你憑乜入大學？

有人話：唉，雖然入到港大，但係讀頹科。
有人話：唉，雖然入到大學，但唔係三大。
有人話：唉，入唔到大學，報ASSO算啦。

入大學，入大學，雖然我未聽過有人係唔想入大學，但當我反問：

噉你憑咩入大學？
入到大學想學到啲咩，得到啲咩？

唔少人都係支吾以對，甚至答唔到。至於答案？你都不妨問下自己，嘗試說服自己。

「為學日益，為道日損，損之又損，乃至於無為，無為而無不為」。道家思想能夠令人心境恬靜，甚至有種「治癒系」嘅感覺。Anyway, 無論入唔入到大學，都應該學習道家，將心靈所負累嘅東西，各種偏執，不斷削落，不斷去除現實人性中的虛偽、造作、矜持。

面對放榜，面臨人生嘅一個轉捩點，我從來唔相信所謂「一試定生死」，出路絕不只有大學這一條，該如何走下去，由你決定。最重要的，是你自己有一個清晰明確的目標，繼續朝著這方向走下去。

反正人生，就如區林所言，「無人知道邊個會笑到最後」，無限放大各種一夕之間的成敗。無論走邊一條路，都請你謹記，「要放棄，可以有無限個理由；要努力只需要一個理由」。